Bharat ke transport business mein dabdaba rakhne wali Mahindra Pickup CNG BS6 Price aur iski loading capacity ki poori jankari aaj hum apne sabhi transport bhaiyon aur business owners ke liye lekar aaye hain. Diesel ke badhte kharche ke beech yeh gaadi isliye khaas hai kyunki Mahindra Bolero Pickup CNG mein bhi moti bachat deti hai.
Lekin agar aap iske related thode saste aur electric options dhoodh rahe hain, toh hamari website par Tata Intra EV, Ashokleyland Saathi aur Montra Electric (Eviator) ki details bhi check kar sakte hain. Chaliye jaante hain is pickup ki keemat aur specifications!
Mahindra Pickup CNG BS6 Price Details
1. Price Details (Keemat)
(Note: State aur Dealer ke hisab se thoda fark ho sakta hai)
Ex-Showroom Price: ₹7.61 Lakh se shuru hokar ₹8.95 Lakh tak (Variant ke hisab se).
Taxes (RTO + Insurance + Local Cess): Lagbhag ₹1,00,000 se ₹1,30,000 tak.
On-Road Price: Lagbhag ₹8.80 Lakh se ₹10.15 Lakh ke beech baithti hai.
2. Finance, Loan aur EMI (Ek Average Estimate)
Agar aap ek standard model lekar chalte hain jiski on-road keemat lagbhag ₹9,00,000 hai:
Downpayment (Kam se Kam): ₹1,00,000 se ₹1,50,000 (Profile ke hisab se bank 10% se 15% downpayment par gadi chor deta hai).
Loan Amount: Lagbhag ₹7,50,000 se ₹8,00,000 ka loan ho jata hai.
Loan Tenure (Samay): 5 Saal (60 Mahine) ke liye.
Interest Rate (Byaj): Lagbhag 9.5% se 10.5% (Commercial Vehicle Loan standard rate).
- Monthly EMI (Kist): Lagbhag ₹16,500 se ₹17,500 per month aayegi.
SARI details Hain Yahan:Dhyan se padhna
1. Engine aur Performance
Engine Type: 2.5-liter m2DiCR / m2i CNG Engine (4-Cylinder).
Power aur Torque: 67 HP ki takat aur 178 Nm ka dumdaar torque, jo heavy load ko chadhai par aasani se khinchta hai.
Top Speed: Khali gadi 80 km/h tak ja sakti hai, lekin loaded gadi ke liye 50-60 km/h ki speed sabse sahi hai.
2. Chassi aur Mazbooti
Chassi Design: Heavy-duty C-section channel frame jo zyada load par bhi lachakta ya toot-ta nahi hai.
Banaawat: Iska aage ka hissa (Bonnet) gadi ke cabin ko accident ke samay poori suraksha deta hai.
3. Body aur Dimensions (Lambaee-Choudaee)
Dala Size (Maxx City CNG): 8.2 feet lamba aur 5.5 feet chouda cargo box.
Dala Size (Bolero Big CNG): 9 feet lamba aur 5.5 feet chouda bada dala.
Back Body Quality: Double-walled cargo body milti hai. Side panels aur floor ki chadar kaafi moti aur majboot hai jo heavy crates ya cement dhoone me damage nahi hoti.
4. Suspension aur Tyres
Suspension: Aage aur peeche dono taraf rigid leaf spring (Kamani Patta) suspension aata hai, jo heavy load jhelne ke liye hi bana hai.
Tyres: 15-inch ke majboot commercial radial tyres milte hain jo kharab raaston par acchi grip aur lambi life dete hain.
5. GVW aur Payload (Vajan Capacity)
Gross Vehicle Weight (GVW): Lagbhag 2990 kg se 3120 kg tak.
RTO Passing (Official Payload): 1200 kg se lekar 1500 kg (1.2 se 1.5 Ton) tak ki company passing hai.
Asli Load Capacity: Chassi aur kamani majboot hone ki wajah se local market me log ispar 2 Ton tak maal aaram se dhoo lete hain.
6. Cabin, Steering aur Comfort
Cabin Space: Kaafi khula aur bada cabin hai jisme accha legroom aur headroom milta hai.
Seat Quality: Driver + 2 passenger (D+2) ki seating hai. Seats me achhi padding aur support hai jisse lambe safar me thakan nahi hoti.
Steering: Smooth Power Steering milta hai, jisse loaded gadi ko bhi tang galiyon me modna bilkul aasan ho jata hai.
Extra Features: Digital instrument cluster, mobile holder aur charging slot milta hai.
7. Mileage ki Gehri Detail (Load aur Speed Ke Hisab Se)
Khali Gadi (45-55 km/h ki speed par): Sabse behtar 16 se 18 km/kg ka mileage milti hai.
Khali Gadi (70+ km/h ki high speed par): Mileage ghatkar 14 se 15 km/kg reh jati hai.
Aadha Load (800 kg ke sath, 50 km/h speed): Lagbhag 14 se 15 km/kg ka mileage nikalta hai.
Aadha Load (800 kg ke sath, high speed): Lagbhag 12 se 13 km/kg ka mileage milta hai.
Full Load (1.5 Ton+, 45-55 km/h ki economy speed): Kaafi accha 12 se 13 km/kg ka sateek mileage mil jata hai.
Full Load (1.5 Ton+, 70+ km/h ki tezi me): Mileage sabse kam hokar 9 se 11 km/kg tak gir jati hai.
Performance details
Chadhai ki Takat (Gradeability): Iska low-end torque itna jabardast hai ki full load (1.5 se 2 Ton) hone par bhi ye flyovers aur pahaadi chadhaiyon par bina piche hate aasani se khinch jati hai.
Pick-up (Raftaar): CNG gadi hone ke bawajood iska initial pick-up (pehle aur dusre gear me) bilkul Diesel gadi jaisa dumdaar mehsoos hota hai. City ke traffic me baar-baar rukne aur chalne me gadi dopti nahi hai.
Engine Smoothness: 4-Cylinder engine hone ke karan isme vibration (kampan) bohot kam hai. Cabin ke andar shor kam aata hai, jisse lambe safar me driver ko thakan nahi hoti.
Braking Performance: Isme aage Disc aur peeche Drum brakes milte hain. Heavy load ke sath bhi tez speed me gadi ekdum sateek aur sidhi rukti hai, lachakti nahi hai.
Best Performance Zone: Is truck se sabse behtareen performance aur lambi engine life tab milti hai jab ise 50 se 60 km/h ki steady speed par chalaya jaye.
Maintenance Cost Details
Service Interval (Gadi ki Service): Har 10,000 km par iski regular service hoti hai, jo is segment ke hisab se kaafi acchi hai.
Basic Service Cost: Ek normal service (Engine oil change, oil filter, air filter cleaning aur general check-up) ka kharcha lagbhag ₹3,500 se ₹4,500 tak aata hai.
CNG Filter Replacement: Har 20,000 km par CNG ka filter badalna padta hai, jiska kharcha lagbhag ₹1,000 se ₹1,500 alag se aata hai.
CNG Cylinder Hydro Testing: Sarkari niyamo ke mutabik har 3 saal me ek baar CNG cylinder ki hydro-testing karwani hoti hai, jiska kharcha lagbhag ₹2,500 se ₹3,500 baithta hai.
Suspension Maintenance (Kamani Patta): Heavy loading ke karan har 30,000-40,000 km par kamaniyo me greasing aur unke bush badalwane padte hain, jisme lagbhag ₹1,500 se ₹2,500 ka kharcha hota hai.
Tyre Life & Cost: Iske commercial radial tyres lagbhag 50,000 se 60,000 km chal jate hain. Poore 4 tyres badalwane ka kharcha lagbhag ₹22,000 se ₹26,000 aata hai.
Per Kilometer Running Cost: Agar sabhi kharche (Oil, filters, tyres aur brakes) ko jod diya jaye, to is truck ka maintenance kharcha lagbhag 40 se 60 paise per kilometer baithta hai, jo ki diesel trucks ke mukable behad kam hai.
Meri Suggestion
1. Kiske Liye Hai? (Kaun Kharide)
Shahar ke andar 100-150 km chalane walon ke liye.
Sabzi, dhoodh, FMCG, e-commerce aur hardware ke vyapariyon ke liye.
2. Kiske Liye Nahi Hai? (Kaun Na Kharide)
Lambi doori (Interstate) aur pahaadi ilaqon ke liye.
Jahan CNG pumps ki kami ho.
3. Pros (Fayde)
Kam Kharcha: Diesel ke mukable fuel cost 35% tak sasti.
Badi Kamai: Shahar me no-entry aur pollution tax ka jhanjhat nahi.
Best Resale: Purani gadi bhi hathon-hath achhe daam me bikti hai.
4. Cons (Nuksan)
Lambi Line: CNG pump par time kharab ho sakta hai.
Kam Range: Ek baar gas bharwane par sirf 180-220 km chalti hai.
5. Business Me Kamai (Fayda ya Nuksan?)
Fayda: Agar rozana shahar me 100 km chalna hai, to mahine me ₹15,000+ ki seedhi bachat (Paisa Vasool).
Nuksan: Agar long route ka kaam hai, to pump ki line me samay aur dhandha dono kharab hoga.
